Doğulanadək uşaqların cinsiyyəti açlqlanmayacaq

Dünyada hər 100 qıza 105-107 oğlan düşdüyü halda, Azərbaycanda hər 100 qıza bu gün 114 oğlan düşür. Buproblemin qarşısını almaq məqsədi ilə NazirlərKabinetitərəfindən 2020-2025-ci illər üçün tədbirlər planı təsdiqələnib.Plana əsasən valideyinlərə doğuşa qədər cins seçimi etməyəicazəverilməyəcək.
Uşaqların doğulanadək cins seçiminin qarşısı alınacaq.
Bu məqsədlə Nazirlər Kabinetinin Sərəncamı ilə "Uşaqların doğulanadək cins seçiminin qarşısının alınmasına dair 2020-2025-ci illər üçün Tədbirlər Planı" təsdiq edilib.
Əmək və Əhalinin Sosial Müdafiəsi Nazirliyininşöbə müdirinin müavini Rəna Abdullayevanın sözlərinə görə,Tədbirlər Planı doğulacaq uşağın cinsinin seçilməsinin miqyasının qiymətləndirilməsi məqsədilə əhali arasında araşdırmaların aparılmasını, gender bərabərliyinin təmin olunması və reproduktiv sağlamlıq sahələrində qanunvericiliyin təkmilləşdirilməsinə dair təkliflərin hazırlanmasını nəzərdə tutur.
Sənəddə "Hamiləliyin süni pozulmasına dair sosial göstərişlərin Siyahısı"nın tətbiqinə nəzarətin gücləndirilməsi, qızların təhsildən yayınması hallarının qarşısının alınması üçün maarifləndirmə tədbirlərinin həyata keçirilməsi, qadınlar arasında sahibkarlıq fəaliyyətinə dəstəyin artırılması, onlar üçün əmək bazarında ən çox tələb olunan peşə və ixtisaslar üzrə kursların artırılması kimi tədbirlər də yer alıb.
Məktəbəqədər təhsil müəssisələrinin fəaliyyətinə nəzarətin gücləndirilməsi, bu müəssisələrin sayının, tək və çoxuşaqlı analara həmin müəssisələrdən istifadə imkanlarının artırılması üçün güzəştlərin tətbiqi də Tədbirlər Planında nəzərdə tutulan tədbirlər sırasındadır.