Alma yeyənlər daha uzun yaşayır

Avstraliyada 1456 qadın üzərində edilən araşdırmalara görə, gündə bir alma yemək daha uzun yaşamağa imkan yaradır.
Bu araşdırmaya görə, gündə bir alma yemək erkən yaşda ölüm riskini 35% azaldır. 70 və 85 yaşları arasındakı 1456 qadın üzərində 15 il ərzində aparılan araşdırmalar nəticəsində gündə 100 qram alma yeyən qadınların daha uzun yaşadığı aşkar edildi.
Doktor Conatan Hodcson, bu təsirin alma qabığındakı flavanoidlәr və liflər sayəsində olduğunu söylədi. Flavanoidlәr antioksidant təsirilə hüceyrələrin ziyan görməsinə maneə törədir. Alma qabığındakı liflər isə, xolesterolu və təzyiqi tarazlaşdırır, xərçəng riskini azaldır. Eyni zamanda maqnezium, kalium və C vitamini qaynağı olan alma digər meyvələrə nisbətən daha böyük bir təsirə malikdir.
Bu səbədən də, hər gün alma istehlak edən kəslərin sağlam bir həyat sürdükləri görünür. Alma ilə birlikdə digər meyvələri və tərəvəzləri istehlak etmək də sağlamlığınıza və daha uzun yaşamağınıza kömək olur.