Psixatrop maddələr necə satılacaq?

Səhiyyə Nazirliyi apteklər qarşısında yeni tələblər qoyub. Belə ki, bəzi psixatrop dərmanları bütün apteklərdən almaq mümkün olmayacaq. Artıq güclü təsiredici dərmanları satacaq əczaçılıq müəssisələrinin siyahısı da müəyyənləşib. Sözügedən siyahı Səhiyyə Nazirliyinin Analitik Ekspertiza Mərkəzinə və Respublika Narkoloji Mərkəzinə təqdim olunub. Məqsəd belə dərmanların tibbi göstərişi olan xəstələr üçün əlçatanlığını təmin etməkdir.
Səhiyyə Nazirliyinin Analitik Ekspertiza Mərkəzinin şöbə müdirinin müavini Pərviz Əzizbəyov bildirib ki, sıyahıda adı olan apteklər qeyd olunan dərmanları satmaq üçün icazə sənədi almalı olacaq.