Yeni metro stansiyaları harada açılacaq – YERLƏRİN SİYAHISI

Bakı Dövlət Layihə İnstitutu Bakıətrafı ərazilərdə 3 əsas istiqamətdə metro xəttinin çəkilməsini təklif edir.
Bu barədə Bakı Dövlət Layihə İnstitutunun direktoru İlqar İsbatov deyib.
O bildirib ki, bu 3 istiqamətə Xırdalan şəhəri, Lökbatan və Rəsulzadə qəsəbələri daxildir.
İ.İsbatov qeyd edib ki, Binəqədi rayonunda böyük bir səhiyyə kompleksinin, həmçinin əczaçılıq və səhiyyə sənayesinin inkişafını nəzərdə tutan böyük bir sənaye parkının salınması nəzərdə tutulub. Biz bu parka qədər metro xəttinin uzadılmasını təklif etmişik.
“Bundan əlavə Lökbatan qəsəbəsində yeni avtovağzalın, Ələt qəsəbəsində isə aşağıbüdcəli aviareyslərin həyata keçirilməsi üçün hava limanının tikilməsi təkliflərimiz sırasında yer alıb”, - deyə İ.İsbatov vurğulayıb.