Bakı və Sumqayıtda XI siniflər üçün imtahan keçiriləcək

övlət İmtahan Mərkəzi Bakı və Sumqayıt şəhərlərində 11-ci siniflərdə təhsil alan şagirdlər üçün monitorinq imtahanı keçirəcək.
DİM-dən verilən məlumata görə, mayın 23-də Bakı və Sumqayıt şəhərlərində yerləşən, reprezenatativ seçmə əsasında müəyyən olunan 206 məktəbdə 11-ci sinifdə təhsil alan şagirdlər üçün Azərbaycan dili və riyaziyyat fənlərindən monitorinq imtahanları keçirəcək.
Monitorinq imtahanlarında 12522 şagirdin iştirakı nəzərdə tutulur. İmtahan saat 10:00 da başlanacaq. Əvvəlcə riyaziyyat, sonra isə Azərbaycan dili fənni üzrə imtahan keçiriləcək. Riyaziyyat fənni üzrə imtahan 1 saat, Azərbaycan dili fənni üzrə isə 45 dəqiqə davam edir.