Bərdə pambıq zavodunun ərazisində YANĞIN

Bərdə şəhərində hazırda fəaliyyət göstərməyən 1 saylı Bərdə pambıq zavodunun ərazisində 200 kv.m sahədə quru ot yanıb.
FHN-nin məlumatına görə, yanğın saat 13:30-da yanğınsöndürənlər tərəfindən söndürülüb.
Bərdədə daha bir yanğın da olub. Rayon mərkəzindən 8 km aralıda yerləşən Alaçadırlı kəndində vətəndaşa məxsus ümumi sahəsi 63 kv.m olan birmətəbəli 1 otaqlı evin tavanı yanıb.
Yanğın zamanı evin tavanı 10 kv.m sahədə və ev əşyaları yanıb. Yanğın yanğınsöndürənlər tərəfindən söndürülüb. Evin qalan hissəsi yanğından mühafizə olunub.