Deputatlara hədiyyə götürmək qadağan edilir - YENİ QANUN

“Azərbaycan Respublikası Milli Məclisi deputatının etik davranış qaydaları haqqında” yeni qanun layihəsinin məzmunu açıqlanıb.
Yeni qanun layihəsi 13 maddədən ibarətdir.
Qanun layihəsində deputat qarşısında mədəni davranış, Milli Məclisin iclaslarında etik davranma, insanların hüquqlarına, işgüzar nüfuzuna hörmət, qərəzsizlik, qanunsuz maddi və qeyri-maddi nemətlərdən, imtiyazlar və güzəştlərdən imtina, hədiyyə alma qadağası şərt kimi qoyulur.
Layihə parlament tərəfindən hazırlanıb, sabah Milli Məclisin İnsan hüquqları komitəsi ilə Hüquq siyasəti və Dövlət quruculuğu Komitəsinin sabah keçiriləcək birgə iclasında müzakirə olunacaq.