Şamaxı sakini sirkə turşusu içərək intihara cəhd edib

Şamaxı rayonunda intihara cəhd hadisəsi baş verib. APA-nın yerli bürosunun xəbərinə görə, hadisə rayonun Şəhriyar qəsəbəsində qeydə alınıb. Qəsəbə sakini, 1986-cı il təvəllüdlü Qəniyeva Aynurə Əzizağa qızı yaşadığı evin mətbəxində sirkə turşusu içərək özünü zəhərləyib. Valideynləri onu huşsuz, yerə yıxılmış vəziyyətdə görüblər və təcili olaraq Şamaxı Mərkəzi Rayon Xəstəxanasına çatdırıblar.
A. Qəniyevanın vəziyyəti ağır olduğu üçün ilkin tibbi yardımdan sonra müalicə üçün Bakı şəhərindəki Respublika Toksikologiya Mərkəzinə aparılıb.
İntihara cəhdin səbəbi hələ ki, məlum deyil.
Faktla bağlı Şamaxı rayon Prokurorluğu tərəfindən araşdırma aparılır.