"Maşın şou"da növbəti QALMAQAL: Tolik buna görə getdi...

“Maşın şou”nun növbəti günü də müzakirəsiz ötüşməyib. Veriliş başlayarkən Tarix Əliyev (Tolik) efirdə olmayıb. O, əlini maşından çəkib və yarışdan getdiyini deyib:
“Ataların bir sözü var: "Kişinin sözü bir olar". Üç gün ərzində gördüm ki, bəzi kişilərin sözü bir olmadı. Əslində, dünən getməli idim. Amma Üzeyir getdi. İslama da söz verdim ki, əlimi götürəcəm. Heç kim inanmadı. Bu gün gedirəm. İndi də rahat oturun və fikirləşin ki, kimin maskasını sabahdan çıracaqsınız. Heç kimin cürəti çatmayacaqdı mənim adımı çəkməyə. Mən güclü rəqib idim".
Qeyd edək ki, ötən gün müğənni Cavad Rəcəbov da şoudan kənarlaşdırılıb.