Amerikalı kar müğənni istedadlar şousunda

On bir il əvvəl eşitmə qabiliyyətini tamamilə itirən müğənni Mendi Harvi öz bəstələdiyi musiqini ifa edərək Amerika istedadlar şousunun (“America's Got Talent”) hakimlərini və tamaşaçıları vəcdə gətirib.
Harvi 4 yaşından musiqi ilə məşğul olur. 18 yaşında eşitmə qabiliyyətini itirdikdən sonra müvəqqəti olaraq öz əyləncəsindən vaz keçsə də, sonra yenidən oxumağa başlayıb.
Yaxşı inkişaf etmiş əzələ yaddaşı və vizual tüner ona musiqi alətlərində çalmaq və oxumaq üçün yardımçı olur. Döşəmənin titrəməsi sayəsində ritmi duymaq üçün Harvi səhnədə çox vaxt ayaqyalın çıxış edir.