Heqiqet.Az » iqtisadiyyat » Prezident İlham Əliyev Neftçala rayonuna 3 milyon manat ayırdı


Prezident İlham Əliyev Neftçala rayonuna 3 milyon manat ayırdı

7-07-2015, 18:03
Çap et
Prezident İlham Əliyev Neftçala rayonuna 3 milyon manat ayırdı Prezident İlham Əliyev Neftçala rayonunun Şorkənd-Beştalı-Bankə-Şirvanlı avtomobil yolunun tikintisi ilə bağlı əlavə tədbirlər haqqında sərəncam imzalayıb.
Heqiqet.az-ın AzərTAc-a istinadən məlumatına görə, sərəncama əsasən, Maliyyə Nazirliyinə otuz yeddi min nəfər əhalinin yaşadığı 21 yaşayış məntəqəsini birləşdirən Şorkənd-Beştalı-Bankə-Şirvanlı avtomobil yolunun tikintisinin davam etdirilməsi məqsədi ilə Azərbaycan Respublikasının 2015-ci il dövlət büdcəsinin dövlət əsaslı vəsait qoyuluşu xərclərinin bölgüsündə kəndlərarası avtomobil yollarının tikintisi və yenidən qurulması üçün nəzərdə tutulmuş vəsaitin 3,0 (üç) milyon manatı Neftçala Rayon İcra Hakimiyyətinə ayrılmasını təmin etmək tapşırılıb.
Nazirlər Kabinetinə isə bu sərəncamdan irəli gələn məsələləri həll etmək tapşırılıb.
Reytinq: