Erməni əsilli nazir Ukraynada dövlət çevrilişi hazırlayır

Ukraynada "Pyotr Poroşenko bloku” fraksiyasının deputatı Sergey Leşenko erməni əsilli daxili işlər naziri Arsen Avakovu dövlət çevrilişinə hazırlıqda ittiham edib.
Yerli ZİK telekanalında çıxış edən deputat bəyan edib ki, A. Avakovun komandası hakimiyyətin ələ keçirilməsi də daxil olmaqla, istənilən ssenariyə hazırdır.
"Daxili işlər naziri isə baş nazir olmağı planlaşdırır. Bu gün Ukrayna hökuməti Avakovun razılığı olmadan qərar qəbul etmir. O, həmçinin "Xalq Cəbhə”sindən olan nazirləri idarə edir”, - deyə deputat bildirib.
Deputat əlavə edib ki, Ukrayna daxili işlər nazirinin ətrafında istənilən əməliyyatlara hazır olan "yarımkriminal qruplaşma” fəaliyyət göstərir.