Cənubi Koreyada 200 min quş məhv edilib

Cənubi Koreya hökuməti ölkənin cənub-qərb rayonlarında 200 mindən çox quşun məhvini həyata keçirib.
Bu barədə ölkənin Kənd Təsərrüfatı Nazirliyindəki mənbəsinə istinadən "Renhap" agentliyi məlumat yayıb.
Bildirilir ki, ördəklərin üstünlük təşkil etdiyi quşların öldürülüməsinə səbəb onlarda aşkar olunan "quş qripi" virusudur. Kütləvi məhvin həyata keçirilməsi 4 fermada virusun aşkar olunmasından sonra başlayıb.
Qeyd edək ki, "quş qripi" virusunun yayılmasının qarşısı almaq məqsədilə 2016-ci ildən Cənubi Koreyada 30 milyon quş öldürülüb.