ABŞ Dağlıq Qarabağ münaqişəsinin sülh yolu ilə həllini tamamilə dəstəkləyir

ABŞ Dağlıq Qarabağ münaqişəsinin sülh yolu ilə nizamlanmasını tamamilə dəstəkləyir.
Bunu Birləşmiş Ştatların dövlət katibinin Avropa və Avrasiya işləri üzrə köməkçisinin müavini Bricit Brink Bakıda mətbuat konfransında deyib.
B.Brink qeyd edib: "Münaqişə 20 ildən çoxdur ki davam edir. Bu, böyük müddətdir. Bildiyiniz kimi, ATƏT-in Minsk qrupunun həmsədrləri bu məsələni müzakirə etmək üçün Bakıdadırlar".
O bildirib ki, ABŞ münaqişənin sülh yolu ilə həllinin tərəfdarıdır və bunun üçün tam dəstək göstərir.