Yuyucu vasitələrin təhlükələrindən xəbəriniz var?

Yuyucu vasitələrdən müntəzəm istifadə etmək qadınlarda ağciyərlərin fəaliyyətində qüsurların yaranma riskini artırır.
Bu qənaətə Bergen Universitetinin (Norveç) bir qrup mütəxəssisi gəlib.
Bununla bağlı təcrübə və müşahidələr 6.200-dən çox könüllü üzərində 20 il müddətində keçirilib.
Məlum olub ki, yuyucu vasitələrlə müntəzəm işləyən evdar qadınlarda və peşəkar təmizlik işçilərində ağciyərlərin hava tutumunda azalma müşahidə olunub.
Bu qadınlarda ağciyərlərin vəziyyəti 20 il siqaret çəkən şəxslərin ağciyərlərinin göstəricilərinə bərabər olub. Ağciyərlərin fəaliyyətinin pisləşməsi təmizlik zamanı nəfəs yolu ilə daxil olan maddələrin ağciyərlərə yayılması ilə izah olunur. Nəticədə bunun astma və digər xəstəliklərə yol aça biləcəyi müəyyən olunub.