Okeanda itirdiyi kamerasını - baxın necə tapdı?

Yaponiyada bir qadının 2.5 il əvvəl okeanda itirdiyi sualtı kamerası möcüzəli şəkildə Yaponiyaya 2 min 600 kilometr uzaqlıqdakı Tayvan adasının sahillərində tapılıb.
Su sızdırmayan plastik qoruyucu içindəki kamera tapılan zaman dəniz qabıqları ilə örtülmüşdü. Bu qoruyucu kameranı dəniz suyunun zərərli təsirlərindən qoruyub. Məktəbli uşaqlar tərəfindən tapılan foto aparatın batereyası belə hələ bitməmişdi.
Uşaqların müəllimi aparatda çəkilmiş son foto şəkili "Facebook” da paylaşaraq kameranın sahibini axtarıb.
Yapon Serina Tsubakihara dostlarının vasitəsiylə foto şəkillərdən xəbərdar olub və tayvanlı müəllim ilə əlaqə quraraq öz fotoaparatını alıb. Kamera heç bir zərər görməyib və əvvəlki kimi işləyir.