“Qarabağ”ın oyununa bilet satışı dayandırıldı - BƏYANAT

UEFA Çempionlar Liqası III təsnifat mərhələsi cavab qarşılaşmasında “Seltik”lə qarşılaşacaq “Qarabağ” bəyanat yayıb.
“Çempionlar Liqasının III təsnifat mərhələsi çərçivəsində baş tutacaq “Qarabağ” – “Seltik” qarşılaşmasının biletləri bugün satışa çıxıb. Qarşılaşmaya olan hədsiz maraq kassalar önündə toplaşan izdihamdan bəlli idi. Təəssüf ki, qarşılaşmaya olan kütləvi maraqdan istifadə edən bəzi “işbazlar” qeyri-leqal satışla qanqaraldıcı duruma səbəb olublar.
Məhz bu səbəbdən “Qarabağ” Futbol Klubu tərəfindən kassalar bağlanmış, hüquq mühafizə orqanlarına müraciət edilmiş və qeyri-leqal satışla bağlı tədbir görülmüşdür.
Sabah səhərdən etibarən satış yenidən bərpa olunacaq.