Nepalda 4 aylıq körpə 22 saat sonra uçqundan sağ çıxdı

Nepalda baş verən 7,9 ballıq zəlzələnin dağıntıları altından 4 aylıq körpə sağ çıxarılıb.
Ölənlərin sayının 5 mini keçdiyi, 10 minə yaxın insanın yaralandığı zəlzələdə 4 aylıq körpənin 22 saatdan sonra dağıntılar altından sağ çıxarılması möcüzə hesab edilir. Hazırda körpənin səhhətinin yaxşı olduğu bildirilir.
Rəsmilər isə zəlzələ qurbanlarının sayının 10 mini keçəcəyini istisna etmirlər.