Millimizin mövqeyi dəyişdi - UEFA reytinqi

Avropa Liqasının qrup mərhələsinin ikinci turunda keçirilən oyunlardan sonra UEFA reytinqi açıqlanıb.
Yeni reytinqdə Azərbaycanın mövqeyi dəyişib.
18.500 xalı olan ölkəmiz 1 pillə geriləyərək 27-ci sıraya düşüb. Eyni xala malik Qazaxıstan isə 26-cı pilləyə yüksəlib. Qonşu ölkə bu mövsüm daha çox reytinq yığması səbəbindən irəli keçib.
Qeyd edək ki, dəyişikliyə "Qarabağ"ın "Arsenal"a 0:3 hesablı məğlubiyyəti və "Astana"nın "Renn"ə 2:0 hesabı ilə qalib gəlməsi səbəb olub.