İrandan Səudiyyəyə: Tramp sizi alçaldır, amma biz əlimizi uzadırıq

İranın xarici işlər naziri Məhəmməd Cavad Zərif bəyan edib ki, İran Səudiyyə Ərəbistanı ilə güclü Yaxın Şərq qurmaq üçün əməkdaşlıq etməyə hazırdır. Bu barədə İranın XİN rəhbəri Twitter səhifəsində yazıb.
O, qeyd edib ki, Donald Trampın Səudiyyə Ərəbistanı ilə bağlı son çıxışı təhqiredicidir və rəsmi Riyadla əməkdaşlıq etməyə hazırdırlar: "Biz qonşularımıza yenidən əlimizi uzadırıq. Gəlin, güclü bölgə yaradaq və şöhrətpərəstliyi dayandıraq".
Qeyd edək ki, ötən gün ABŞ prezidenti çıxışı zamanı deyib ki, Səudiyyə Ərəbistanı kralı Birləşmiş Ştatların dəstəyi olmadan iki həftə belə hakimiyyətdə qala bilməz.