Çində qadın 14 uşağı bıçaqlayıb

Çində hələlik şəxsiyyəti məlum olmayan qadının uşaq bağçasının önündə hücumu nəticəsində 14 uşaq müxtəlif dərəcədə bədən xəsarəti alıb.
Hadisə Çunçin şəhərində tərbiyəçilərin uşaqları səhər gəzintisindən qaytarar zaman baş verib.
Yerli polisin məlumatına əsasən, uşaqlara hücum edən qadın tərbiyəçilərin və bağçanın mühafizəçilərinin köməyi ilə nəzarət altına alınıb. Yaralı uşaqlar xəstəxanalara yerləşdiriliblər.
Hələlik qadının kimliyi və hadisəni hansı səbəbdən törətməsi bilinmir.