Roma Papası Rumıniyaya səfər edəcək

Roma Papası Fransisk mayın 31-də Rumıniyaya səfər edəcək.
Bu barədə Rumıniya Prezident Administrasiyasının mətbuat katibliyi məlumat yayıb.
Məlumata görə, Papa Fransisk dövlət başçısının, hökumətin və Rumıniya katolik kilsəsinin dəvəti ilə mayın 31-dən iyunun 2-dək bu ölkədə səfərdə olacaq.
Roma Papası səfər çərçivəsində Buxarest, Yassı və Blajda görüşlər keçirəcək və Şumuleu-Çuk kilsəsini ziyarət edəcək.