Yavər xanıma uğurlar arzulayırıq

Ümummilli liderimiz Heydər Əliyevin qadınlar haqqında dediklərindən: "Azərbaycan qadını son yüzillikdə böyük inkişaf yolu keçdi. Artıq Azərbaycan müstəqil dövlətdir. Müstəqilliyimiz dövründə bir çox şeylər əldə etdik. Dünyəvi demokratik, hüquqi dövlət quruculuğu yolunda inamla addımlar atmışıq. Bu nailiyyətlərin qazanılmasında Azərbaycan qadının da böyük rolu olmuşdur. Müəllim, hüquqşünas, maarifçi, təbib, jurnalist qadınlarımız bu gün də cəmiyyətin aparıcı qüvvələridir. Biz onunla fəxr edirik ki, onları əbədi yaşatmaq üçün əlimizdən gələni etməliyik. Bu qadınlar sonrakı nəsillərə nümunədir, örnəkdir.
Belə ziyalı xanımlardan biri də Yavər Qasımovadır.
Azərbaycan Dövlət Pedaqoji Universitetinin Analitik və üzvi kimya kafedrasının dosenti, kimya üzrə fəlsəfə doktoru Yavər Qasımova 20 elmi metodik dərsliklərin və dərsliyin müəllifidir.
İnsan göz açdığı dünyada izlər qoyur, əməli ilə yadda qalır. Lakin, bu hər insana nəsib olmur. Əməyi ilə yüksələn insanların qəlbində məhəbbət qazanan ziyalımızdır Yavər xanım.
Yavər xanımın keçdiyi yollar hər bir gəncə nümunədir və örnəkdir. Bildiklərini tələbələrindən əsirgəməyən, hər zaman onlara qayğı ilə yanaşan şərəfli peşə sahibi Yavər xanım ömrünü təhsilə həsr edib. O, təhsil fədaisidir. Yazılan ən dəyərli sözlər məhz Yavər xanımın ünvanınadır.
Bu günlərdə Yavər xanım yubileyi münasibətilə "Bizim Lider" qəzetinin "Azərbaycan qadını" medalı media mükafatına layiq görülüb. Ona can sağlığı, işlərində uğurlar arzulayırıq.

Nahidə Aslanqızı