Dünyanın ilk aşpaz robotu yaradıldı

Londonun “Moley Robotics” şirkəti dünyada ilk aşpaz robotunu təqdim edib.
“3dnews.ru” saytının verdiyi məlumata görə, bu robot mətbəx qaz avadanlığına birləşdirilmiş iki mexaniki əldən ibarətdir. O, reseptləri dəqiq təkrarlamağa proqramlaşdırılıb.
Mətbəx robotu britaniyalı jurnalistlərə təqdim olunarkən hətta onlara 30 dəqiqə ərzində şorba da hazırlayıb.
Yeni mətbəx robotu tam olaraq avtomatlaşdırılmayıb. Belə ki, o, işləyən zaman insan masanın üzərinə yeməyin bişirilməsi üçün lazım olan ləvazimatı ardıcıl qaydada düzməli və ya robota verməlidir. Bu robotun əsas problemlərindən biri də dadbilmə reseptorlarının olmamasıdır.
Avadanlığın qurucuları mətbəx robotunun 2017-ci ildə kütləvi istehsalına başlayacağını deyirlər. Robotun ehtiyatında 2 mindən çox yeməyin resepti mövcuddur. Artıq bu robotun ilkin satış qiyməti də açıqlanıb - 15 min dollar!
Heqiqet.az