Bu gün bütün dünyanın dörd gözlə gözlədiyi görüş gerçəkləşə bilər

Bu gün ABŞ-ın Nyu-York şəhərində Birləşmiş Millətlər Təşkilatının Baş Qərargahında Baş Assambleyanın 74-cü sessiyası keçiriləcək.
Zirvədə əsas gündəmin İran olacağı gözlənilir.
İran prezidenti Həsən Ruhani ilə ABŞ lideri Donald Trampın iki ölkə arasındakı gərginliklə bağlı hansı mesajları verəcəyi və liderlərin görüş ehtimalı maraq dairəsindədir. Hər iki tərəf son açıqlamalarında görüş ehtimalına qapını bağlamayıb. Donald Tramp Ruhani ilə görüşə dair suala "mən yumşaq insanam” və "heç nə masanın xaricində deyil” sözləri ilə cavab verib.
Həsən Ruhaninin isə zirvə çərçivəsində Bəsrə körfəzində birgə əməkdaşlıq, təhlükəsizlik, iqtisadiyyat və digər bu kimi mövzuları ehtiva edən "Hörmüz Sülh Təşəbbüsləri” planını açıqlayacağını elan etməsi zirvəni daha həyəcanlı və maraqlı edib.
Zirvə çərçivəsində Donald Tramp və Həsən Ruhaninin görüşəcəyi səsləndirilən ehtimallar arasındadır.