Peşə standartları əsasında metodik vəsaitlər hazırlanacaq

Peşəyönümü tədbirlərinin səmərəliliyinin artırılması məqsədilə peşə standartları əsasında metodik vəsaitlər (peşə profilləri) hazırlanacaq.
Bu, Azərbaycan Respublikası Prezidentinin 2020-ci il 13 fevral tarixli Sərəncamı ilə təsdiq edilmiş "Məşğulluq Strategiyasının həyata keçirilməsinə dair 2020–2025-ci illər üçün Tədbirlər Planı”nda əksini tapıb. Tədbirlər Planına əsasən işi 2020-2023-cü illərdə Əmək və Əhalinin Sosial Müdafiəsi Nazirliyi Təhsil Nazirliyi ilə birgə icra edəcək.
Tədbirlər Planında qeyd olunub ki, indiyədək 100 peşə profili hazırlanıb.