Bəzi namizədlər bilərəkdən xoşagəlməz hallara yol verir - Məzahir Pənahov

Bəzi namizədlər bilərəkdən xoşagəlməz hallara yol verir.
Bunu Mərkəzi Seçki Komissiyasının (MSK) sədri Məzahir Pənahov MSK-nın bu gün keçirilən iclasında deyib.
Onun sözlərinə əsasən, bəzi namizədlər istəyirlər ki, MSK qanunvericiliyi pozaraq onların istədiklərini etsin: “Namizəd tələb edir ki, onun müraciəti ilə bağlı Mərkəzi Seçki Komissiyasının rəyini iclasdan əvvəl ona verək, ancaq qanunvericilikdə belə bir müddəa yoxdur. Ancaq namizəd bunu bilə-bilə, səs-küy salmağa çalışır. Belə yollara düşmək lazım deyil”.