İrandan narkotik vasitələrin keçirilməsinin qarşısı alınıb

Azərbaycan Respublikasının Dövlət Sərhəd Xidməti tərəfindən dövlət sərhədinin etibarlı mühafizəsinin təmin edilməsi və narkotik vasitələrin qanunsuz dövriyyəsinə qarşı mübarizə tədbirləri davam etdirilir.
Dövlət Sərhəd Xidmətinin Sərhəd Qoşunlarının əməkdaşları son bir həftə ərzində 2 halda 10 kiloqram 490 qram narkotik vasitənin dövlət sərhədindən keçirilməsinin qarşısını alıblar.
Daxil olmuş əməliyyat məlumatlarına əsasən, "Göytəpə” sərhəd dəstəsinin xidməti ərazisində 2 kiloqram heroin və 1 kiloqram 950 qram metamfetamin, "Lənkəran” sərhəd dəstəsinin xidməti ərazisində 4 kiloqram 730 qram heroin və 1 kiloqram 770 qram metamfetamin aşkar edilərək götürülüb.
Faktlar üzrə əməliyyat-istintaq tədbirləri davam etdirilir.