Bakının təcili yardım həkimlərinin sayı açıqlandı

Hazırda Bakı şəhəri Təcili və Təxirəsalınmaz Tibbi Yardım Stansiyası nəzdində 751 həkimin və 1011 orta tibb işçisinin çalışdığı 21 köməkçi yardım stansiyası və 20 filial fəaliyyət göstərir. Səhiyyə Nazirliyinin mətbuat xidmətindən verilən görə, Xidmətin köməkçi stansiyaları tibbi yardıma ehtiyacı olan vətəndaşların cağrılarına ən qısa zaman ərzində yetişmək üçün şəhər və ətraf kəndlərdə əhali sıx məskunlaşdığı ərazilərdə yerləşdirilib.
Gün ərzində xətdə 141 səyyar briqada növbə tutur, 23 ARB (o cümlədən iki pediatrik briqada), səyyar laboratoriya, səyyar rentgen briqadası fəaliyyət göstərir. Hər ay Bakı şəhər Təcili və Təxirəsalınmaz Tibbi Yardım xidməti Bakı və ətraf kəndlərin 12 rayonunun ərazisində təqribən 56-57 min xəstəyə yardım edir.