Xizək kurortunda uçqun olub, 10 nəfər qarın altında qalıb - İsveçrədə

İsveçrənin "Verbier” dağ xizəkçiliyi kurortunda 10 nəfər qar uçqunun altında qalıb.
TASS xəbər verir ki, bu barədə yerli polisin məlumatında bildirilib.
Qeyd edilib ki, uçqun xizək yolunun kənarında baş verib. Nəticədə bir xizəkçi ölüb, digəri yaralanıb. Ölən şəxsin Britaniya vətəndaşı olduğu bildirilib.
Əraziyə xilasedicilər cəlb edilib. Prokurorluq hadisə ilə əlaqədar istintaq başladıb.