İstifadəçilər hansı əməliyyat sisteminə üstünlük verirlər?

"Steam" dekabr ayının ən çox istifadə edilən əməliyyat sistemlərinin siyahısını paylaşıb.
Keçən il debüt edən və ilk etapda ciddi problemlərlə gündəmdən düşməyən "Windows 11" son zamanlarda problemlərdən təmizlənsə də, hələ də oyunçuların üstünlük verdiyi versiya deyil. Çünki “Windows 10” noyabr ayı ilə müqayisədə 3,49 faiz azalsa da, 65,42 faiz bazar payı ilə liderliyini davam etdirir.
"Windows 11" noyabrda 5,05 faiz artımla 28,42 faiz bazar payına malik olub. Bundan başqa, bir dövr qeyd edən və nəhayət, yeniləmə dəstəyini itirən "Windows 7" keçən ay yüzdə 1,93 azalaraq 1,66 faiz pay alıb.