Azərbaycan Avropanın ən böyük televiziya və radio yayımı forumunda təmsil olunacaq

“Azərkosmos” ölkəmizi Avropanın ən böyük “IBC 2024” 54-cü teleradio yayımı forum-sərgisində təmsil edəcək.
Azərbaycan Kosmik Agentliyinə (Azərkosmos) istinadla xəbər verilir ki, tədbir sentyabrın 13-dən 16-dək Amsterdam şəhərində (Niderland) keçiriləcək.
“Amsterdam IBC 2024”də məhsulun təklifi qlobal əyləncə və media texnologiyaları sənayesinin ən son ixtiraları ilə dolu 13 innovativ sektoru əhatə edəcək.
“IBC 2024” ən müasir sərgi məkanını və konfrans proqramını ehtiva edəcək. Yarmarka zamanı canlı çıxışlar, ərzaq pavilyonları və müsabiqələr keçiriləcək.