60 illik yubileylərini "Yuxarı" üslubunda qeyd etdilər - VİDEO

Amerikalı cütlük toylarının 60 illiyini “Yuxarı” animasiya filmi üslubunda klip ilə qeyd ediblər.
Videoçarx onların nəvəsi YouTube ulduzu, pianoçu Layl Blek tərəfindən paylaşılıb.
Hal-hazırda klipə 50 min dəfə baxılıb.
“Kar və Ellinin ailə həyatı barədə “Yuxarı” əsərinin ilk 15 dəqiqəsini xatırlayırsınız? Bu mehriban 80 yaşlı cütlük öz 60 illik yubileyləri şərəfinə pianoda “Yuxarı” mövzusunu dörd əl ilə ifa edirlər”, - klipin təsvirində deyilir.
Blek öz qohumları üçün aranjiman edib. Musiqiçinin sözlərinə görə, o uşaqlıqdan nənə və babasının duetlərini sevir.
Klipdə Blekin özü sonda skaut Rassellin (cizgi filminin personajlarından biri) geyimində peyda olur.
Yubilyarların adı qeyd edilmir.