Putin Azərbaycanla qarşılıqlı investisiyaların qorunmasını təsdiq etdi

Rusiya Prezidenti Vladimir Putin RF və Azərbaycan hökumətləri arasında investisiyaların təşviqi və qarşıqlı qorunması haqqında sazişin təsdiq edilməsi barədə qanunu imzalayıb.
2014-cü il sentyabrın 29-da Həştərxanda imzalanmış sənədin məqsədi iki ölkənin investorları üçün daha əlverişli rejim təqdim etməkdir.
Məlumatda deyilir: "Saziş Rusiya və Azərbaycan arasında qarşılıqlı faydalı ticarət-iqtisadi və elmi-texniki əməkdaşlığın inkişafı üçün əlverişli şəraitin yaradılmasına yönəldilib".
Saziş 1992-ci il yanvarın 1-dən etibarən investorların yatırdığı sərmayələrə şamil edilir.