Azərbaycan İrandan idxalı xeyli azaldıb

Azərbaycan 2015-ci ildə İrana 33 milyon 330 min dollar dəyərində məhsul ixrac edib. Bu isə 2014-cü illə müqayisədə 6 milyon 111 min dollar və ya 15,49% azdır.
Bu barədə oxu.az Dövlət Gömrük Komitəsinin (DGK) ötən il üçün açıqladığı hesabata istinadən xəbər verir.
Azərbaycanın İrandan idxalına gəlincə, 2015-ci ildə bu rəqəm 90 milyon 455 min dollar olub. Bu isə 2014-cü illə müqayisədə 56 milyon 700 min dollar və ya 38,53% azdır.
Qeyd edək ki, 2014-cü ildə Azərbaycanın İrana ixracı 39 milyon 441 min dollar dəyərində olub, Azərbaycana İrandan idxal isə analoji dövrdə 147 milyon 156 min dollar olub.