Heqiqet.Az » idman » “Qarabağ”ın Çempionlar Liqasında ilk oyunu


“Qarabağ”ın Çempionlar Liqasında ilk oyunu

18-05-2016, 09:33
Çap et
“Qarabağ”ın Çempionlar Liqasında ilk oyunu Gələn mövsüm Azərbaycanı Avropa Liqasında təmsil edəcək klubların ilk oyunlarının vaxtı bəllidir. Çempionlar Liqasında yarışacaq “Qarabağ” mübarizəyə ikinci təsnifat mərhələsindən başlayacaq.
UEFA-nın saytının məlumatına görə, bu mərhələnin ilk oyunları iyulun 12-13-də, cavab matçları isə həmin ayın 19-20-də keçiriləcək. Avropa Liqasında ölkəmizi bu mövsüm təmsil edəcək üç klubun (“Qəbələ”, “Kəpəz”, “Neftçi” və ya AZAL ) hamısı mübarizəyə birinci təsnifat mərhələsindən start verəcək.
Bu mərhələdə ilk oyunlar iyunun 30-na, cavab qarşılaşmaları isə iyulun 7-nə nəzərdə tutulub. Azərbaycan klublarının rəqiblərinin adına isə iyunun 22-də UEFA-da keçiriləcək püşkatmada aydınlıq gələcək.
Çempionlar Liqasının 2016/17 mövsümündə iştirak edəcək komandaların siyahısına yavaş-yavaş aydınlıq gəlir. Artıq qitənin bir nömrəli klub turnirində iştirak edəcək 31 komandanın adı müəyyənləşib.
Bunlardan 5-i birinci, 13-ü ikinci təsnifat mərhələsində mübarizəyə başlayacaq. Azərbaycan çempionu da 2-ci təsnifat mərhələsinə vəsiqə qazanacağından, həmin 18 komanda təmsilçimizin potensial rəqibidir. Bu iki mərhələdə iştirak edəcək qalan 20 komandanın adı hələ aydınlaşmayıb.
Artıq Çempionlar Liqasında iştirakı dəqiqləşmiş qalan 13 komandadan 2-si üçüncü təsnifat mərhələsinə, 11-i birbaşa qrupa vəsiqə qazanıb.
I təsnifat mərhələsi
Valletta (Malta), B36 Torşavn (Farer adaları), Flora (Estoniya), TNS (Uels), Santa Koloma (Andorra).
II təsnifat mərhələsi
APOEL (Cənubi Kipr), BATE (Belarus), Norrkopinq (İsveç), Rusenborq (Norveç), Ferençvaroş (Macarıstan), Astana (Qazaxıstan), Dinamo (Tiflis, Gürcüstan), SJK (Finlandiya), Hafnarfyordor (İslandiya), Dundalk (İrlandiya), Krusaders (Şimali İrlandiya), Jalgirs (Litva), Liepaya (Latviya).
III təsnifat mərhələsi
Olimpiakos (Yunanıstan), Şaxtyor (Ukrayna).
Qrup mərhələsi
Barselona, Atletiko, Real (hamısı İspaniya), Leyçester (İngiltərə), Bavariya, Borussia Dortmund (ikisi də Almaniya), Yuventus (İtaliya), Benfika, Sportinq (ikisi də Portuqaliya), PSJ (Fransa), Dinamo Kiyev (Ukrayna).
Reytinq: