Ceyhun Bayramov: “Bəzi peşələr sıradan çıxır”

“Sosial-iqtisadi inkişafın tələblərinə uyğun olaraq, təhsil sahəsində bir sıra peşələr, bəzi hallarda təhsil sahələri sıradan çıxır, yaxud yeniləri ilə əvəzlənir”.
Təhsil nazirinin müavini Ceyhun Bayramov UNEC-də keçirilən “Təhsilin sosial-iqtisadi inkişafda rolu” mövzusunda beynəlxalq elmi-praktiki konfransda bildirib ki, bu gün süni intellekt proqramları əqli əməyi əvəzləməkdədir.
Nazir müavini qeyd edib ki, Dünya İqtisadi Forumunun yeni iş yerləri ilə bağlı tədqiqatlarına əsasən, 2015-2020-ci illərdə ofis və inzibatı sahələrdə 4,8 milyon, istehsalatda 1, 6 milyon, mədən və tikinti sahəsində 0, 5 milyon iş yerinin azalması gözlənilir. Tədqiqatların nəticələrinə görə, biznes və maliyyə sahəsində yarım milyon, idarəetmə, kompüter və fundamental tətbiqi elmlər, marketinq, satış sahəsində yüz minlərlə yeni iş yerinin yaradılması planlaşdırılır.