"Paşinyan haqlıdır, xətalarım oldu" - Serj Sarkisyan

"Hörmətli vətəndaşlar, dəyərli erməni xalqı, günlərdir küçələrdə "Serj, rədd ol" şuarı səslənir. Eşidin, mən istefa verirəm".
News.am bildirir ki, bunu Ermənistanın keçmiş baş naziri Serj Sarkisyan deyib. Sarkisyan xalqa ünvanlanan rəsmi bəyanatında onu da deyib ki, baş verən hadisələrə ən doğru qiyməti tarix verəcək:
"Nikol Paşinyan doğru deyir, xətalarım oldu. Bunu etməməliydim. Ona görə də liderlikdən və baş nazirlikdən istefa verirəm. Bir sözlə, israrları qarşısında küçə hərəkatı iştirakçılarının tələbini yerinə yetirirəm".