Putin Netanyahu ilə İranın nüvə məsələsini müzakirə edib

Rusiya Prezidenti Vladimir Putin və İsrailin Baş naziri Benyamin Netanyahu arasında telefon danışığı olub.
İsrail tərəfinin təşəbbüsü ilə baş tutan telefon danışığı İranın nüvə proqramı ilə bağlı kəşfiyyat məlumatlarının yenilənməsindən sonra olub.
Tərəflər həmçinin Suriyadakı vəziyyətlə bağlı fikir mübadiləsi aparıblar.
Bundan əvvəl Netanyahu İranı nüvə proqramı ilə bağlı arxivləri gizli saxlamaqda ittiham edib.