Baydenlə Mossad rəhbəri arasında görüş baş tutub

ABŞ Prezidenti Cozef Bayden Vaşinqtonda olan İsrail xarici kəşfiyyat xidmətinin (Mossad) rəhbəri Yosi Kohen ilə görüşüb.
Daha əvvəl Kohenin ABŞ Dövlət katibi Entoni Blinken ilə görüş keçirdiyi bildirilir. Xüsusi xidmətin rəhbəri İranın nüvə fəaliyyətindən "dərin narahatçılıq" keçirdiyini ifadə edib.
Dövlət departamentinin mətbuat sorumlusu Ned Prays jurnalistlər üçün keçirdiyi brifinq zamanı Blinken və Kohen arasındakı məsləhətləşmələr faktını nə təsdiqləyib, nə də təkzib edib. Onun sözlərinə görə, ABŞ və İsrail sıx təmasdadırlar.