ABŞ və Rusiya Suriya ilə bağlı razılığa gəlib

ABŞ və Rusiya arasında Suriyada hansı qruplaşmanı terrorçu hesab etməklə bağlı müəyyən razılıq var.
Report-a istinadən xəbər verir ki, bunu bazar ertəsi ABŞ Dövlət Departamentinin rəsmi nümayəndəsi Mark Toner bildirib.
"Bizim Rusiya ilə bir sıra qruplaşmalar, xüsusilə də, "Nüsra cəbhəsi" və "İraq-Şam İslam Dövləti" ilə bağlı razılığımız var", - deyə o bildirib.
ABŞ rəsmisinin sözlərinə görə, bu, danışıqlar prosesinin bir hissəsidir.
"Bəzi qruplar üzrə razılığımız var, bəziləri üzrə yox", - deyə Toner bildirib.