Belçikada güclü yağış və daşqın baş verib, ölənlər var

Belçikanın bir neçə əyalətində yağan güclü yağış və baş verən daşqın nəticəsində iki nəfər ölüb.
Velkenredt şəhərində 80 yaşlı qadın suda boğularaq ölüb, Valkur kəndində isə sürücü yol qəzasının qurbanı olub.
Eno əyalətində məcrasından çıxan çay bir neçə yaşayış məntəqəsini su altında qoyub. Regionda bir çox avtomagistrallar bağlanıb. Təbii fəlakət zonasına polis, xilasedicilər, təcili yardım briqadaları və ordu bölmələri cəlb edilib.