ABŞ-da kilsədə baş verən atışmada 9 nəfər həlak olub

Çarlston şəhərində (Cənubi Karolina ştatı) Afrika metodist yepiskopal kilsəsində baş verən atışma nəticəsində 9 nəfər həlak olub. Ağdərili kişi kilsəyə girərək kilsəyə gələnlərə atəş açıb.
RIA Novosti-nin verdiyi məlumata əsasən, bu barədə Çarlston şəhərinin polis şefi Qreqori Mallen mətbuat konfransı zamanı jurnalistlərə deyib.
Məlumatda deyilir ki, kilsədə 8 nəfərin meyiti tapılıb. 2 nəfər xəstəxanaya yerləşdirilib. Daha sonra onlardan biri keçinib.
Şübhəli şəxsin 20 yaşlı, ağdərili kişi olduğu bildirilir. Şübhəli şəxslə yanaşı, atışma yerində bomba axtarışları davam edir.
Hadisə yerinin yaxınlığındakı bütün küçələr bağlanıb.