Yerevanda aksiya: "Rusiya ilə birgə HHM sistemi yaradılmasın!"

Ermənistan parlamentinin binası qarşısında Ermənistan-Rusiya birgə hava hücumundan müdafiə sisteminin (HHM) yaradılmasına qarşı aksiya keçirilir.
Ermənistan mətbuatının verdiyi məlumata görə, aksiya iştirakçıları əllərində "Toprağı, havanı verməyəcəyik", "Permyakovlar ordusuna güvənmirik, erməni ordusuna güvənirik", "Növbəti satqınlıq addımı" yazılmış plakatlar tutublar.
Qeyd edək ki, bu gün Ermənistan parlamentində keçiriləcək növbədənkənar sessiyada Ermənistan-Rusiya birgə hava hücumundan müdafiə sisteminin yaradılması məsələsi də müzakirə olunacaq.