Mosuldan bəd xəbər

Dünyanın diqqətinin Mosul əməliyyatında olduğu bir vaxtda İŞİD terror təşkilatı İraqın Ambar vilayətinə hücum edib.
Bundan əvvəl Kərkükə hücum edən silahlılar Ambarın Rutbah şəhərini 6 saat ərzində nəzarətə götürüblər.
İraqın Mosul şəhərinin İŞİD-dən azad edilməsi əməliyyatının 7-ci günündə strateji əhəmiyyətə malik Başikada nəzarət "Peşmərgə" qüvvələrinə keçib. "Peşmərgə"nin istəyi ilə Türkiyə Silahlı Qüvvələri Başikada İŞİD mövqelərinə zərbə vurub.
Mosula hava hücumları zamanı isə İŞİD lideri Əbu Bəkr əl-Bağdadinin köməkçisinin öldürüldüyü bildirilir.
"Anadolu" agentliyinin məlumatına əsasən, son bir neçə gün ərzində İŞİD tərəfində döyüşməyi rədd edən 200 mülki şəxs terrorçular tərəfindən qətlə yetirilib.