Ramanada kişiyə qarşı ilk həyat yoldaşının qohumları TƏRƏFİNDƏN VƏHŞİLİK

Bakıda 2-ci dəfə evlənən kişi birinci həyat yoldaşının qohumları tərəfindən döyülüb.
Kütləvi dava Sabunçu rayonunda baş verib.
Ramana qəsəbəsi, 2-ci sahə adlanan ərazidə qohumlar arasında kütləvi dava düşüb. Hüquq-mühafizə orqanı əməkdaşlarının "Report"-a verdiyi məlumata görə, dava 32 yaşlı Quliyev Ruslan Faiq oğlunun ikinci dəfə evlənməsi səbəbindən baş verib. R.Quliyevin birinci həyat yoldaşı 31 yaşlı Qənbərova Aygün ərinin bu əməlindən xəbər tutduqda qohumları ilə birgə R.Quliyevin yaşadığı qaynanasının evinə gəlib. Və hər iki tərəf arasında dava düşüb. R.Quliyev döyülərək ağır xəsarət alıb. Bundan başqa, A.Qənbərovada qaynanası tərəfindən döyülüb. Hər iki şəxs müxtəlif bədən xəsarətləri alaraq 3 saylı Kliniki Tibbi Mərkəzə yerləşdirilib.
Faktla bağlı Sabunçu Rayon Polis İdarəsi tərəfindən araşdırma aparılır.
Qeyd edək ki, R.Quliyev birinci həyat yoldaşından ayrı yaşayıb. O, ikinci dəfə tanış olduğu xanımla nişanlanıb.