Ötən günün qol qəzaları: 7 ölü, 21 yaralı

Ötən gün ölkə ərazisində 16 yol nəqliyyat hadisəsi baş verib.
Bu barədə Baş Dövlət Yol Polisi İdarəsindən məlumat verilib. Məlumatda bildirilir ki, baş verən hadisələrdən 4-ü Bakı şəhəri ərazisində qeydə alınıb. Xəzər rayonu ərazisində baş verən yol-nəqliyyat hadisəsi zamanı 3 nəfər, Səbail və Sabunçuda 1 nəfər bədən xəsarəti alıb, Binəqədi rayonu ərazisində qeydə alınan yol-nəqliyyat hadisəsində isə 1 nəfər dünyasını dəyişib.
Digər 12 qəza isə rayonlarda baş verib.
Ümumilikdə ölkə ərazisində baş verən 16 yol-nəqliyyat hadisəsi zamanı 7 nəfər dünyasını dəyişib, 21 nəfər isə müxtəlif dərəcəli bədən xəsarəti alıb.