Banklara borclu olduğu üçün özünü asdı

Biləsuvar rayonunda daha bir intihar hadisəsi baş verib.
Bu barədə “Qafqazinfo”ya məlumatı rayon sakinləri verib. Məlumata görə, bu gün rayona bitişik Bəydilli kəndinin sakini Cavanşir adlı şəxs özünü asaraq intihar edib. Təxminən 40 yaşı olan Cavanşirin özünü asmasına səbəb kimi banklara olan borcu göstərilir. Mərhum ailəli olub, bazarda meyvə satırmış.
Qeyd edək ki, təxminən bir ay öncə Biləsuvarda ölkədə rezonansa səbəb olan intihar hadisəsi baş vermişdi. Biləsuvar Telekommunikasiya Qovşağının rəisi İlkin Ağayev iş otağında özünü asmışdı.