Gecə Xətai rayonunda baş verən qəzada xəsarət alan var

Xətai rayonunda avtomobil qəzası baş verib. Fövqəladə Hallar Nazirliyindən (FHN) verilən məlumata görə, hadisə gecə saatlarında baş verib. Belə ki, Xətai rayonunda Lada markalı minik avtomobili yoldan çıxaraq yolun kənarındakı ağaca çırpılıb. FHN-in Xüsusi Riskli Xilasetmə Xidmətinin xilasediciləri hadisə yerinə cəlb olunub. Xilasedicilər qəza nəticəsində deformasiyaya uğramış minik avtomobilində sıxılmış vəziyyətdə qalmış sürücünü çıxararaq aidiyyəti üzrə təhvil verib.
Əməliyyat saat 03:45-də başa çatmışdır.