18 yaşlı gənc özünü asıb

Şirvanda gənc oğlan özünü asaraq intihar edib. Hadisəs Şirvan şəhəri, 1 May küçəsi 5 ünvanında baş verib. Şəhər sakini, 18 yaşlı Baladadaş Günəşov yaşadığı evdə özünü asaraq intihar edib. Onun meyitini səhər saatlarında asılmış vəziyyətdə aşkar edilib.
İntiharın hansı səbəbdən baş verdiyi hələlik məlum deyil. Hazırda gəncin meyiti müayinə üçün Şirvan Məhkəmə tibbi ekspertiza və Pataloji Anatomiya mərkəzinə verilib. Faktla bağlı Şirvan prokurorluğunda cinayət işi açılıb, araşdırma aparılır.
Bu, Azərbaycan ərazisində gün ərzində baş vermiş ikinci intihar hadisəsidir. İlk hadisə Xırdalan şәhәrindә verib. Heydәr Әliyev prospekti 28-ci məhəllə ünvanından yaşayan şəxs özünü 9-cu mәrtәbәdәn ataraq intihar edib.
Intihar edən şəxs - Cavid Mobil oğlu Hacıyev özünü atdığı binanın 9-cu mərtəbəsində həyat yoldaşı və azyaşlı övladı ilə birgə yaşayırmış. Hadisə zamanı Cavidin ailəsi evdə olmayıb. İnsident yerinə gələn polis əməkdaşları evin qapısının açıq olduğunu bildiriblər. Evdə olan qızıl və pullara əl vurulmayıb.